स्कूल जाबो रे भाई ..

 चलो जाबो रे भाई चलो जाबो रे

इस्कूल जाबो रे भाई पढ़के आबो रे  

हाथ म झोला ,झोला म पट्टी,कापी ,कलम ,किताब

खेलकूद संग  पढबो- लिखबो ,सिखबो हमन हिसाब

अकल बढाबो रे भाई चलो जाबो रे

इस्कूल जाबो रे भाई पढ़के आबो रे

पढ़बो -लिखबो ,मेहनत करबो ,बनबो सफल सुजान

गांधी, सुभाष, टैगोर जइसे, बनबो हमन महान

नाम कमाबो रे भाई चलो जाबो रे

इस्कूल जाबो रे भाई पढ़के आबो रे

दुरिहाबो अज्ञान अंधेरा ,गियान के दिया जलाबो

डॉक्टर, मास्टर ,बाबु  कलेक्टर, विज्ञानिक बन जाबो

सुफल बनाबो रे जिन्गानी सुफल बनाबो रे.. 

इस्कूल जाबो रे भाई पढ़के आबो रे

चलो जाबो रे भाई पढ़के आबो रे... 

लिखेश्वर साहू

ग्राम-  सौंगा पोस्ट- गिरौद

तह- मगरलोड, जिला- धमतरी

9669874209