जय हो कर्मा मइया ओ तेली कुल के मान ला बढ़ाये
अपन हाथ ले जगन्नाथ ला खिचड़ी खिलाये
जय हो कर्मा मइया ओ तेली कुल के मान ला बढ़ाये
चैत महीना पापमोचनी एकादशी दिन वारे
झांसी नगर श्री राम तेली घर तैहा लिए अवतारे
तोरे नाम करमा कहाये करम ले नाम कमाये
जय हो कर्मा मइया ओ तेली कुल के मान ला बढ़ाये
पदमा जी तैलिक वेपारी घर नरवर गये ससुरारे
धरम करम ले सुग्घर तैहा जीवन अपन संवारे
प्रभुभक्ति म मन रमाये
धरम रद्दा म जिनगी चलाये
जय हो कर्मा मइया ओ तेली कुल के मान ला बढ़ाये
पद्मा जी ल देखे सफल सब, बैरी मन जर जाये
नाम करे बर ओखर नीचा , षडयंत्र हवे रचाये
कइसे नाम ल जाए बिगारे, सोचे मान ओखर गिराये,
जय हो,कर्मा मइया ओ तेली कुल के मान ला बढ़ाये
तैलिक मन ला राजा के आज्ञा तेल म तरिया भराये
भरत-भरत सबो तेली मन के तेल ह हवे सिराये
मां कर्मा प्रभु मन म धियाये ,तभे तेल कुंड हा भराये
जय हो कर्मा मइया ओ तेली कुल के मान ला बढ़ाये
अल्पायु म कर्मा के बेटा, अउ पति हा सरग सिधारे
पति चिता संग सती होये बर माता करमा बिचारे
आकाशवाणी हा सुनाये
माता ल बचन सुनाये
जय हो कर्मा मइया ओ तेली कुल के मान ला बढ़ाये
दरश करे बर अपन प्रभु के पुरी नगर बर जाये
जइसे पहुंचे द्वार मंदिर के पंडा पुजारी मन भगाये
होके बेसुध वो गिर जाये तभे प्रभु के दरशन पाये
करमा खिचड़ी ल खिलाये
जय हो कर्मा मइया ओ तेली कुल के मान ला बढ़ाये
अचरिज भारी महिमा जेखर जग भर मां हे छाए
करमा मईया सीख सिखावे धरम के राह चलाए
जन जन तोर गाथा गाए, सब जीवन सफल बनाए
जय हो कर्मा मइया ओ तेली कुल के मान ला बढ़ाये
स्वरचित- लिखेश्वर साहू,
ग्राम-सौंगा , पोस्ट-गिरौद ,
तह -मगरलोड, 9669874209
