वाह रे नेता तय सिरतोन होगेस दो गला
न हाल न बीजा तोर मं, तय हाबस आरूग फोकला
लेना रहिस वोट त, करे बड़े बड़े बात,
जीतत देरी रहिस, फेर देखा डरे औकात
जनसेवा तोर नियत म नईहे, दिखत हे तुंहर बानी,
नवा बइला के नवा सिंग चल रे बइला टिंगे टिंग हाबे तोर सियानी
चोर, लबार, जुआरी षराबी तोर संरक्षण पाथे
कले चुप बइठे जे मनखे तोर, तरी तरी गुन गाथे
सरकारी योजना के लाभ लेवत हे, बारो महिना रोजी कमाथे
हक छिने तंय उंखर जेमन हा हकदार हे
झोली भरे तंय ओखर जेमन मालगुजार हे
का थोरको नई सोंचस तय, का थोरको लाज तोला नई आवे
मुखिया मुख सो चाहिए घलोक याद नई हावे
दारू अउ पइसा के बल म चुनाव भले तय जीत डारे
जीते तय मंधवा ,गंजहा , भंगहा, बने बने मनखे हारे
नई समझे ,नई जीतेस तय ,जनता के आस विसवास ला
जम्मो समझगे नेता तोरो , नस नस अउ सांस-सांस ला....
लिखेश्वर साहू सौंगा
ग्राम-सौंगा,पोष्ट-गिरौद
तह-मगरलोड़,जिला-धमतरी(छ.ग.)
कोई टिप्पणी नहीं:
एक टिप्पणी भेजें