तुमन तो नेता हरव गा

 तुमन तो नेता हरव गा

तुही मन तो धरती के बेटा हरव गा

जम्मो जिनिस के जनकारी तुमन ला

तुमन तो सरब ज्ञेता हरव गा

तुमन ता नेता हरव गा

ऊंच नीच के भान तुमन ला

जाति-धरम के ज्ञान तुमन ला

अमीर-गरीब के चिन्हईयां तुमन

विकास के रद्दा गढ़ईया तुमन

तुमन तो रण बिजेता हरव गा

तुमन तो नेता हरव गा

प्रजा तुंहर हमन हरन , राजा हमर तुमन

धरके अर्जी फार्म हमन, आघू पीछू हमन घुमन

हमन हा  ठेलहा बइठइया तुही मन तो करमइता हरव गा

तुमन तो नेता हरव गा

लिखेश्वर साहू

ग्राम-सौंगा,पोस्ट-गिरौद, 

तह-मगरलोड़ ,जिला-धमतरी

9669874209